سر المشبك السوري المقرمش من برا وطري من جوا بطعم ولا أطيب مشبك مقرمش يوم كامل نفس قرشة المحلات خطوة بخطوة #مشبك مع رباح محمد
المشبك من الحلويات يلي إلها نكهة وذكريات خاصة، يمكن شكله يبين صعب أو بدو احتراف بس بالحقيقة كل السر بقوام العجينة وحرارة الزيت وكيفية تشريب القطر. بهالوصفة رح نشتغل بهدوء وعلى رواء حتى نوصل للقرشة المظبوطة من برا مع قلب طري طيب. القطر لازم يكون تقيل حتى يثبت القوام وما يخلي المشبك يطرى. ولما ننزله على الزيت لازم الحركة تكون خفيفة ودائرية مشان يعطي شكل المشبك المميز. صدقوني لما تذوقوا أول قرصة رح تعرفوا إنه الموضوع كان أسهل مما تخيلتوا. جربوها وشاركولي رأيكم، بتستاهل تنحط على السفرات والضيافات.
المكونات
- 3 كوب سميد وسط 🥄
- نصف كوب طحين أبيض 🌾
- 3 ملاعق طعام سكر 🍚
- رشة ملح 🧂
- ربع كوب زيت الذرة 🫗
- 1 ملعقة طعام خميرة فورية 🌿
- 2 كوب حليب دافئ 🥛
مكونات القطر (تقيل):
- 3 أكواب سكر 🍚
- كوب ونصف ماء 💧
- عصرة ليمون 🍋
- نغليه 12 دقيقة على نار هادية حتى يصير تقيل شوي.
طريقة التحضير:
- منخلط السميد والطحين والسكر ورشة الملح بالمشبك اليدوي حتى يتوزعوا.
- منضيف الخميرة والزيت والحليب الدافئ شوي شوي ونخلط حتى نحصل على عجينة قوامها مثل اللبنة اللينة مو سايلة كتير ولا جامدة.
- نغطيها ونتركها تختمر حوالي 40 دقيقة.
- نسخن الزيت على نار متوسطة مو قوية مشان ما يتحمر بسرعة من برا ويظل ني من جوا.
- نحط العجينة بقالب تشكيل المشبك أو كيس تزيين.
- نسكبها على شكل دايرة متشابكة فوق الزيت ونقلب القرص حتى ياخد لون دهبي من الطرفين.
- نطلعها من الزيت ونغمسها مباشرة بالقطر التقيل حرارة الغرفة لمدة دقيقتين.
- نرفعها ونتركها تصفي وترتاح قبل التقديم.
📌 تابعوا الوصفة كاملة في الفيديو 🎥👇
صور من الوصفة
