سر نجاح كيكة الليمون 100% بدون تعقيد، خطوة بخطوة لنتيجة مضمونة 🍋 #كيكة_الليمون مع رباح محمد
هالوصفة من أبسط الكيكات يلي بتعطي نتيجة مضمونة، ناعمة من جوّا وطريّة، وبرائحة الليمون المنعشة يلي تعطي نكهة مختلفة عن كل الكيكات العادية. سرّ النجاح هو خفق البيض والسكر منيح وبعدين إضافة السوائل تدريجي. النتيجة كيكة بتبقى طريّة يوم كامل وما بتنشف. تقدري تزيّنيها بصوص الشوكولاته أو تتركيها بسيطة مع شويّة برش ليمون وتعطيها شكل راقي ونظيف. 🍋
المكونات
- بيض بحرارة الغرفة (4 حبات) 🥚
- سكر (كوب ونصف) 🍚
- زيت نباتي (نصف كوب) 🫗
- حليب دافئ (1 كوب) 🥛
- عصير ليمون حامض (ربع كوب) 🍋
- برش ليمون حامض (1 ملعقة صغيرة) 🍋
- فانيليا (1 ملعقة صغيرة) 🌿
- طحين متعدد الاستعمالات (كوبين ونصف) 🌾
- نشاء الذرة (2 ملعقة كبيرة) 🌽
- بيكنج باودر (1 ملعقة كبيرة) ⚖️
- رشة ملح 🧂
للتزيين
- صوص الشوكولاته 🍫
- برش الليمون 🍋
طريقة التحضير
- في وعاء نخلط السكر مع البيض ونخفق منيح حتى يصير القوام كريمي وفاتح.
- نضيف الزيت بالتدريج مع استمرار الخفق.
- نضيف الحليب الدافئ، عصير الليمون، الفانيليا وبرش الليمون ونحرك.
- نخلط الطحين مع النشاء والبيكنج باودر والملح وننخلهم فوق الخليط.
- نحرك بخفة من تحت لفوق حتى يختفي الطحين بدون مبالغة بالخفق.
- نجهز قالب مدهون، نصب الخليط وندخل على فرن حرارة 180 لمدة تقريبًا 35 دقيقة حسب الفرن.
- بعد ما تبرد نزين بصوص الشوكولا وبرش الليمون.
📌 تابعوا الوصفة كاملة في الفيديو 🎥👇
صور من الوصفة
