جربوا بريوش الشوكولاتة، طراوة مثل القطن وحشوة بتدوب بالفم #بريوش
طريقة تحضير بريوش هش وقطني محشي بحبيبات الشوكولاتة بخطوات بسيطة وواضحة. يبدأ التحضير بخلط السوائل مع الخميرة والسكر، ثم إضافة الطحين والنعجن جيداً مع الزبدة للحصول على قوام طري وناعم. بعد التخمير يتم تقطيع العجين وحشوه بالشوكولاتة وتشكيليها على شكل أصابع مرتبة، ثم تترك لترتاح وتدهن بصفار البيض والحليب وندخلها الفرن، وفي النهاية تلمع بالعسل لمنظر شهي وطعم رائع.
المكونات بالتفصيل
- حليب دافئ: 1 كوب
- سكر: نصف كوب
- خميرة فورية: 1 ملعقة كبيرة
- فانيليا: 1 ملعقة صغيرة
- بيض: عدد 2 (بيضة كاملة + بياض بيضة للعجين، ونحتفظ بالصفار لدهن الوجه)
- طحين: 4 أكواب ونصف
- ملح: نصف ملعقة صغيرة
- زبدة طرية بحرارة الغرفة: 100 غرام
- حبيبات شوكولاتة للحشو
- لخليط التلميع: صفار بيضة + 1 ملعقة كبيرة حليب + رشة صغيرة قهوة سريعة الذوبان
- سمسم محمص للتزيين
- قليل من العسل أو القطر لتلميع الوجه بعد الخبز
طريقة التحضير بالكامل
- في وعاء عميق بنحط كوب حليب دافئ ونصف كوب سكر وملعقة كبيرة خميرة فورية وملعقة صغيرة فانيليا.
- بنضيف بيضة كاملة مع بياض بيضة ثانية وبنحتفظ بالصفار على جنب لتلميع الوجه.
- بنحرك المكونات السائلة بالمضرب اليدوي لحتى يذوب السكر وتتجانس الخميرة.
- بنبدأ بنضيف 4 أكواب ونصف من الطحين بالتدريج مع نصف ملعقة صغيرة ملح وبنحرك بالسباتولا حتى يختفي الطحين.
- بنبدأ نعجن بالإيد لحتى تتجمع العجينة وتصير متماسكة.
- بنضيف 100 غرام زبدة طرية بحرارة الغرفة وبنعجن لمدة 10 دقائق كاملة حتى تشرب العجينة الزبدة وتصير ناعمة.
- بنكور العجينة وبنغطيها وبنتركها بمكان دافئ لحتى تتخمر ويضاعف حجمها.
- بنرش شوية طحين على سطح العمل وبننزل العجينة وبنقسمها لنصفين متساويين لسهولة الشغل.
- بنلف كل قسم بشكل رول طولي وبنقطعه لقطع متساوية.
- بنمد كل قطعة عجين بالإيد بشكل بيضوي وبنحشيها بحبيبات الشوكولاتة وبنغلق الأطراف منيح وبنشكلها بشكل أصابع.
- بنرتب قطع البريوش بصينية فرن مفروشة بورق زبدة وبنغطيها تتخمر للمرة الثانية.
- بنخلط صفار البيضة مع ملعقة كبيرة حليب ورشة قهوة سريعة الذوبان وبندهن وش البريوش بشويش.
- بنرش شوية سمسم محمص على الوش وبندخل الصينية على فرن حامي مسبقاً على حرارة 180 درجة مئوية لمدة 25 دقيقة من تحت وبآخر 5 دقائق بنشغل الشواية من فوق.
- أول ما يطلع البريوش وهو سخن بندهن الوش بشوية عسل أو قطر ليصير بيلمع وجاهز للتقديم.
🎥 شاهد الفيديو الكامل لتتعرف على طريقة التحضير خطوة بخطوة، مع جميع التفاصيل والنصائح التي تضمن نجاح الوصفة
📸 اكتشف المزيد من صور الوصفة
